Ras rafftiau unigryw

Great Strait Raft Run 2025

Yn anffodus mae pwyllgor y Raft Run ym Mhorthaethwy wedi penderfynu gohirio rhediad eleni.

Fel y gallwch ddychmygu mae'n cymryd llawer iawn o amser ac ymdrech drwy gydol y flwyddyn ac ar y diwrnod i gynnal y digwyddiad ac rydym yn dibynnu'n fawr ar bobl leol a busnesau i gefnogi'r digwyddiad.

Yn anffodus, mae llai o rafftiau a gostyngiad sylweddol yn ein refeniw hysbysebu a nawdd nid yn unig yn ei gwneud hin anodd cynnal y digwyddiad ond hefyd yn cael effaith ar ein prif bwrpas, y gallu i godi arian at achosion da lleol, ac mae hyn wedi ein harwain i wneud y penderfyniad anodd hwn.

Y newyddion da fodd bynnag yw bod y flwyddyn nesaf yn ddaucanmlwyddiant pont y Borth a'n haddewid i bobl Porthaethwy yw y byddwn yn ôl, yn fwy ac yn well ar gyfer 2026!

Mae'r Great Strait Raft Run yn ddigwyddiad pwysig yn y calendr lleol, felly fyddwn ni yn ôl! Gwyliwch amdanom mewn amrywiol ddigwyddiadau trwy gydol 2025 wrth i ni gynyddu cefnogaeth ar gyfer y flwyddyn nesaf.

Felly unwaith eto diolch yn fawr iawn i bob un ohonoch sydd wedi ein cefnogi dros y blynyddoedd, edrychwn ymlaen at eich gweld eto yn 2026 pan fyddwn yn ôl gyda'r Ras Rafftiau Fwyaf yng Ngogledd Cymru, digwyddiad lleol sy'n cefnogi achosion lleol!

Her! Hwyl! Hel Arian!